12 marta qizil chiroqdan o‘tgani uchun haydovchilik guvohnomasidan mahrum qilish: YHXX haydovchilarni YHQni buzmaslikka chaqirdi

O‘zbekistonda 1-iyundan boshlab yo‘l harakati qoidalari (YHQ) buzilgani uchun jarimalarning ball tizimi kuchga kirdi. YHXB haydovchilarni ogohlantirdiki, haydovchilik guvohnomasidan mahrum qilinishga olib keladigan 12 ballni olish o‘ylaganlaridan ham osonroq.

Ma’lumotlarga ko‘ra, eng ko‘p ball – 2 ball tezlikni 60 km/soatdan ortiq oshirgani va YTH joyini tark etgani uchun beriladi.

Jarima ballari quyidagicha hisoblanadi:

• 0,3 ball – nosoz tormoz tizimi, rul boshqaruvi yoki tirkash qurilmasi bilan transport vositasini boshqargani, shuningdek ruxsatsiz qayta jihozlagani uchun;
• 1 ball – foydalanish taqiqlangan yoki davlat raqami bo‘lmagan avtomobilni boshqargani uchun;
• 0,5 ball – ko‘zgusimon, qoraytirilgan oynalar va ko‘rishni cheklaydigan qoplamalardan foydalangani uchun;
• 0,2 ball – tovush signalidan asossiz foydalangani yoki nostandart yoritish/tovush moslamalarini o‘rnatgani uchun;
• 0,5 ball – tezlikni 20 km/soatgacha oshirgani uchun;
• 1 ball – tezlikni 20 dan 40 km/soatgacha oshirgani uchun;
• 1,5 ball – tezlikni 40 dan 60 km/soatgacha oshirgani uchun;
• 2 ball – tezlikni 60 km/soatdan ortiq oshirgani uchun;
• 1 ball – qizil chiroqda yoki tartibga soluvchining taqiqlovchi ishorasida o‘tgani uchun;
• 0,5 ball – yalt-yalt etuvchi mayoqchali tezkor va maxsus xizmatlarning o‘tishiga xalaqit bergani uchun;
• 1 ball – qarama-qarshi yo‘nalishga chiqqani yoki avariya holatini yuzaga keltirgani uchun;
• 0,2 ball – to‘xtash yoki to‘xtab turish qoidalarini buzgani uchun;
• 0,3 ball – yo‘lovchi tashish qoidalarini buzgani uchun;
• 0,5 ball – ichki ishlar organlari xodimlari hamrohligisiz (agar talab etilsa) avtobus/mikroavtobuslarda yo‘lovchilarni tashigani uchun;
• 1 ball – quvib o‘tish qoidalarini buzgani uchun;
• 1,5 ball – yo‘l harakati xavfsizligiga tahdid soluvchi guruhlar tarkibida harakatda qatnashgani uchun;
• 1 ball – temir yo‘l kesishmasidan o‘tish qoidalarini buzgani uchun;
• 2 ball – YTH joyini belgilangan qoidalarni buzgan holda tark etgani uchun.

Masalan, haydovchi to‘xtash yoki to‘xtab turish qoidalarini 60 marta buzsa, 12 marta qizil chiroqda o‘tsa yoki 8 marta xavfli guruh bo‘lib harakatlansa, haydovchilik guvohnomasidan mahrum bo‘ladi.

Tizimning bosqichma-bosqich joriy etilishi uchun jarima ballari faqat Yo‘l harakati xavfsizligi inspeksiyasi xodimlari tomonidan tuzilgan ma’muriy bayonnomalar bo‘yicha qabul qilingan qarorlar asosida belgilanadi.

Yo‘l harakati xavfsizligi xizmatining yagona avtomatlashtirilgan axborot tizimi – E-jarimaball moduli orqali yo‘l harakati qoidalarini buzganlik uchun jarima ballari avtomatik tarzda hisoblab chiqiladi. Haydovchilar hisoblangan har bir jarima balli haqida SMS orqali xabardor qilinadi.

Ilgari xabar qilinganidek, haydovchilar YHQ buzilgani uchun jarima ballari miqdorini Yagona interaktiv davlat xizmatlari portali (YIDXP) orqali bilib olishlari mumkin.

Mavzuga doir: O‘zbekistonda YHQni buzganlik uchun jarimalar miqdori oshirildi O‘zgarishlar BHM miqdorining oshishi bilan bog‘liq.