Тошкентда электр таъминотида қисқа узилиш бўлди

Бунга тунда кузатилган кучли шамол сабаб бўлган.

7 январь куни Тошкент шаҳри ва вилоятида кузатилган кучли шамол натижасида бир неча ҳудудлардаги дарахт шохларининг синиши жараёнида айрим электр узатиш тармоқларининг шикастланишига (симларнинг дарахт шохлари билан узилиб тушишига) олиб келди.

Бунинг натижасида, Тошкент шаҳри ва вилоятининг айрим ҳудудларида электр таъминотида қисқа муддатли узилишлар кузатилмоқда. Ҳозирда электр тармоқлари филиалларининг махсус бригадалари томонидан носозликларни бартараф этиш ишлари олиб борилмоқда.

«Келтирилган ноқулайликлар учун истеъмолчилардан узр сўраймиз», дейилади хабарда.

NOVA24 Instagramʼda. Obuna boʻling
Asosiy yangiliklar va qiziqarli videolar