Муҳаммадзиё унинг қўшиғига рақcга тушган актрисадан уялиб, саҳнадан чиқиб кетди (видео)

Актриса саҳнада йиғлаб юборган, хонанда эса қилган ишидан умуман афсусда эмаслигини айтди.

Хонанда Муҳаммадзиё кўрсатувларнинг бирида унинг қўшиғига рақсга тушган актриса Ҳувайдо Жумаевадан уялиб, саҳнани тарк этди.

Мазкур ҳолат «Миллий» телеканалида эфирга узатилган «Хиром» кўрсатуви суратга олиш жараёнида содир бўлган. Кўрсатув сценарийсига кўра, хонанда қўшиқ куйлаганда санъат соҳасидаги исталган аёл юзини беркитган ҳолда унинг ёнида рақс ижро этади ва юзини очади. Муҳаммадзиё ижро этаётган пайтда актриса Ҳувайдо Жумаева саҳнага чиқди ва рақсга тушди. Бироқ хонандага унинг рақси, ҳатти-ҳаракати ёқмай саҳнадан чиқиб кетди. Саҳнада ноқулай вазиятга тушган актриса эса йиғлаб юборган.

Мазкур вазият ижтимоий тармоқларда жуда кўп муҳокамаларга сабаб бўлди. Хонанда Муҳаммадзиё шундан сўнг ўз саҳифасида тушунтириш берди. Унинг сўзларига кўра кўрсатув сценарийсидан бехабар бўлган, актриса рақс давомида турли ҳаракатлар қилгач унга ёқмаган ва саҳнадан чиқиб кетган. Шунингдек, қилган ишидан афсусда эмаслигини таъкидлади.

NOVA24 TikTokʼda. Obuna boʻling
Asosiy yangiliklar va qiziqarli videolar