Qamchiq dovonida yoʻlning bir qismini taʼmirlash boshlandi

Haydovchilardan vujudga keladigan harakat cheklovlari va tirbandliklarni hisobga olish soʻralgan.

Qamchiq dovoni avtomobil yoʻli qismida avtomobil yoʻlini rekonstruksiya qilish ishlari boshlandi, deb xabar bermoqda YHXX matbuot xizmati.

Taʼmirlash ishlari A373 “Toshkent – Ohangaron – Angren – Qoʻqon – Shahrixon – Andijon” yoʻlining bir qismida amalga oshiriladi. Boshqarma haydovchilardan yoʻnalishni rejalashtirishda buni hisobga olishni soʻradi: harakat vaqtincha cheklanishi, tezlik pasayishi va tirbandliklar yuzaga kelishi mumkin.

Eslatib oʻtamiz, Qamchiq dovonida miniven haydovchisi zovurga tushib ketgandi. FVV xodimlari erkakni qutqarib, uning avtomobilini maxsus texnika yordamida chiqarib olgan.

NOVA24 YouTubeʼda. Obuna boʻling
Asosiy yangiliklar va qiziqarli videolar