Andijonda bolalarga shubhali konfet tarqatayotgan nomaʼlum shaxs ota-onalarni qoʻrqitib yubordi

Viloyat sogʻliqni saqlash boshqarmasi tekshiruv boshladi.

25-mart kuni ijtimoiy tarmoqlarda Andijon viloyatidagi maktabda nomaʼlum shaxslar bolalarga shubhali konfetlar tarqatgani haqida xabarlar tarqaldi. Bolalar ombudsmani hodisaga izoh berdi.

Maʼlum boʻlishicha, voqea Oltinkoʻl tumanidagi maktabda sodir boʻlgan. 3-sinf oʻquvchisi maktabdan 1000 soʻmga 3 dona Strawberry konfetini sotib oldi. Sinfdoshi bunday konfetlarni qayerdan sotib olish mumkinligini soʻraganida, oʻquvchi konfetlarni notanish odam berganini aytdi.

Maktab hamshirasi bolaning soʻzlariga ishonib, ijtimoiy tarmoqlarda maktabda nomaʼlum shaxs bolalarga shubhali konfetlar tarqatayotgani haqida maʼlumot tarqatdi. Qolaversa, bu konfetlar tufayli bolalardan biri vafot etgani haqidagi mish-mishlar mutlaqo haqiqatga toʻgʻri kelmaydi.

Mazkur holat yuzasidan tergov harakatlari olib borilmoqda va konfetlar tarkibida inson salomatligi uchun zararli moddalar mavjudligini aniqlash uchun sud-kimyo ekspertizasi tayinlangan.

Bolalar ombudsmani vaziyatni kuzatishda davom etadi va bu boʻyicha qoʻshimcha maʼlumot beradi, deyiladi xabarda.

NOVA24 Telegramʼda. Obuna boʻling
Tezkor xabarlar va asosiy voqealar