Rossiyadagi portlashda o‘zbekistonliklar jabrlangani aytilmoqda

Rossiyaning Leningrad viloyatida joylashgan choyxonada portlash yuz berdi, hodisa oqibatida o‘zbekistonliklar jabrlangani aytilmoqda.

Rossiyaning Leningrad viloyati, Ust-Luga qishlog‘idagi ikki qavatli choyxonada portlash va yong‘in yuz berdi. Bu haqda «78.ru» xabar berdi.

Qayd qilinishicha, hodisa 16 fevral kuni yuz bergan. Ust-Luga qishlog‘idagi ikki qavatli choyxonada gaz balloni portlashi oqibatida yong‘in chiqqan. Ballon portlagandan so‘ng yong‘in butun choyxona binosini qamrab olgan. Dastlab, to‘rt kishi tan jarohati olib, og‘ir ahvolda shifoxonaga yetkazilgan. Keyinchalik ularning soni 6 nafarga yetgan. Dastlabki ma’lumotlarga ko‘ra, ular O‘zbekiston fuqarolaridir.

Prokuratura yong‘in surishtiruv ishlarini boshlab, qonunbuzarliklar aniqlansa, chora ko‘rishga va’da bergan.

NOVA24 TikTokʼda. Obuna boʻling
Asosiy yangiliklar va qiziqarli videolar