Toshkent viloyatida er-xotin is gazidan zaharlandi, ayol vafot etgan

Hozirda shahar prokuraturasi tomonidan tergovga qadar tekshiruv harakatlari olib borilmoqda.

Toshkent viloyati Olmaliq shahrida 51 yoshli ayol is gazidan vafot etdi.

Bosh prokuratura axborot xizmati rahbari Hayot Shamsutdinovning xabar qilishicha, 23-yanvar kuni Olmaliq shahar IIB Navbatchilik qismidan kelib tushgan xabarga ko‘ra, Olmaliq shahar, Kamolot ko‘chasidagi uyda yashovchi 1974-yilda tug‘ilgan ayol D.X. o‘z yashash xonadonida vafot etgani haqida xabar kelib tushgan.

Sud-tibbiy ekspertiza byurosining dastlabki ma’lumotnomasiga ko‘ra uning o‘limi o‘tkir is gazidan zaharlanish natijasida yuzaga kelgan o‘tkir yurak-qon tomir va nafas yetishmovchiligi oqibatida vafot etganligi ko‘rsatilgan.

Marhumaning erida ham zaharlanish alomatlari borligi uchun shifoxonaga yotqizilgan.

Hozirda shahar prokuraturasi tomonidan tergovga qadar tekshiruv harakatlari olib borilmoqda.

NOVA24 Telegramʼda. Obuna boʻling
Tezkor xabarlar va asosiy voqealar