“O‘zkimyosanoat” rahbariga birinchi o‘rinbosar tayinlandi

Jahongir Mustafoyev “O‘zkimyosanoat” AJ boshqaruvi raisiga birinchi o‘rinbosar bo‘ldi.

Jahongir Mustafoyev “O‘zkimyosanoat” AJ boshqaruvi raisining moliya-iqtisodiyot va transformatsiya masalalari bo‘yicha birinchi o‘rinbosari etib tayinlandi. Bu haqda korxona matbuot xizmati xabar berdi.

Jahongir Mustafoyev ushbu lavozimda Akobir To‘xtayev o‘rnini egalladi. Tayinlovga qadar Jahongir Mustafoyev “Qo‘ng‘irot soda zavodi” MChJ QK bosh direktori sifatida va bir necha yillar davomida bank-moliya sohasida mas’uliyatli lavozimlarda faoliyat yuritgan.

“O‘zkimyosanoat” aksiyadorlik jamiyati boshqaruvi raisining birinchi o‘rinbosari lavozimida 2019-yil mart oyidan buyon Yevgeniy Korjikov ham faoliyat yuritmoqda.

2024-yil dekabridan “O‘zkimyosanoat”ga Odil Temirov rahbarlik qilib kelmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar