Toshkent viloyatida litsenziyasiz “Umra” tadbirini tashkil etgan MChJlar jarimaga tortildi

Din ishlari boʻyicha qoʻmita litsenziyasiz “Umra” tadbirini tashkil etgan turfirmalar jarimaga tortilganini maʼlum qildi.

Toshkent viloyatida “Umra” tadbirini litsenziyasiz tashkil etgan firmalarga moliyaviy jarima qoʻllanildi. Bu haqda Din ishlari boʻyicha qoʻmita xabar berdi.

Qayd etilishicha, Din ishlari boʻyicha qoʻmita tomonidan oʻtkazilgan tekshiruvda Angren shahrida joylashgan “Nazir travel N1” MChJ va “Bonu travel 000” MChJ litsenziyasiz “Umra” tadbirini tashkil etgani aniqlangan. MChJlarga nisbatan moliyaviy jarima qoʻllanilgan.

“Umra” tadbirlarini tashkil etish va oʻtkazish boʻyicha faoliyat uchun litsenziya olish sohasidagi huquqbuzarliklar uchun yuridik shaxslarga solinadigan jarimalar miqdorlari BHMning 200 baravari (75 mln. soʻm) etib belgilangan”, deyiladi xabarda.

Shuningdek, Din ishlari boʻyicha qoʻmita ziyoratchilarni “Umra” amallarini munosib va xavfsiz bajarishlari uchun ogoh boʻlishlari va keyinchalik turli koʻngilsiz holatlarga tushib qolmasliklari maqsadida ishonchli va kafolatlangan xizmatlardan foydalanishlarini tavsiya etgan.

NOVA24 Telegramʼda. Obuna boʻling
Tezkor xabarlar va asosiy voqealar