Samarqandda qalbaki AQSh dollarini o‘tkazganlar ushlandi

Hozirda mazkur holat yuzasidan jinoyat ishi qo‘zg‘atilib, tergov harakatlari o‘tkazilmoqda.

Samarqand viloyati Narpay tumanida qalbaki dollarni sotgan shaxslar qoʻlga olindi, deb xabar beradi Bosh prokuratura huzuridagi department.

Qayd etilishicha, departamentning Narpay tumani boʻlimi tomonidan tadbirkorlik subʻyektlarining huquqlarini himoya qilish yuzasidan tergovga qadar tekshiruv oʻtkazilgan. Tekshiruvda O.E. va J.S. ismli shaxslar oʻzaro til biriktirib, “Mirbozor bozori” MChJ hududida Paynet xizmati bilan shugʻullanib kelayotgan tadbirkorlar O.J. va D.R.ning shoxobchasidan boshqa fuqarolar plastik kartasiga jami 5,6 million soʻm pullarni oʻtkazib, evaziga qalbaki 500 AQSh dollarini bergani aniqlangan.

Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) jinoyat ishi qoʻzgʻatilib, tergov harakatlari oʻtkazilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar