Farg‘onada mast haydovchi ikki kishining o‘limiga sababchi bo‘ldi

Hozirgi kunda hodisa yuzasidan jinoiy ish qo‘zg‘atilib, tergov harakatlari olib borilmoqda. Gumonlanuvchiga nisbatan qamoq ehtiyot chorasi qo‘llangan.

Farg‘ona viloyati Toshloq tumanida Damas urib yuborgan ikki yo‘lovchi halok bo‘ldi. Bu haqda Zoʻr telekanalining Bu kun dasturida xabar berildi.

Holat Quva — Marg‘ilon — Marhamat yo‘lining Toshloq tumani Yakkatut mahallasidan o‘tuvchi ichki qatnov yo‘lda sodir bo‘lgan. 34 yoshli Damas haydovchisi spirtli ichimlik ta’sirida avtomashinani yuqori tezlikda boshqarib ketayotib oldinda velosipedda ketayotgan fuqaroni urib yuborgan.

So‘ngra u qarama-qarshi yo‘nalishga chiqib ketib, yo‘l chetida onasi bilan ketayotgan 5 yoshli qizni ham urib, voqea joyidan qochib ketgan. Hodisa oqibatida bola shifoxonada, 71 yoshli erkak esa hodisa joyida vafot etgan.

YTH yuzasidan jinoiy ish qo‘zg‘atilib, tergov harakatlari olib borilmoqda. Gumonlanuvchiga qamoq ehtiyot chorasi qo‘llangan.

NOVA24 YouTubeʼda. Obuna boʻling
Asosiy yangiliklar va qiziqarli videolar