O‘zbekistonda qidiruvda bo‘lgan bloger Rossiyada ushlandi

Xalqaro qidiruvga berilgan 30 yoshli o‘zbekistonlik bloger Moskvada qo‘lga tushdi. Uning shaxsiga aniqlik kiritilmagan.

O‘zbekistonda qidiruvda bo‘lgan bloger Rossiyaning Moskva rayonida qo‘lga olindi.

Ma’lum bo‘lishicha, 2024-yilning dekabr oyida 30 yoshli bloger o‘zining YouTube kanalida ikki ayolni haqoratlagan video joylashtirgan. Shundan keyin u Rossiyaga ketgan. Bu vaqt ichida O‘zbekistonda unga nisbatan “tuhmat” va “haqorat” moddalari bilan jinoyat ishi qo‘zg‘atilgan. O‘zbekistonlik erkak xalqaro qidiruvga berilgan.

Ta’kidlanishicha, u ilgari ham tuhmat va tovlamachilikda ayblanib sudlangan. Erkak politsiya bo‘limiga olib ketilgan. O‘zbekistonlik huquq-tartibot idoralari xodimlari erkak qo‘lga olingani haqida xabardor qilingan. Gumonlanuvchining shaxsiga aniqlik kiritilmagan.

NOVA24 Telegramʼda. Obuna boʻling
Tezkor xabarlar va asosiy voqealar