Namangandagi ayanchli avtohalokatda 5 kishi halok bo‘ldi

Chust tumanida boshqaruvini yo‘qotgan Lacetti Damas va Labo rusumli mashinalarga borib urilishi oqibatida 5 kishi halok bo‘ldi.

Ijtimoiy tarmoqlarda Namangan viloyati Chust tumanida daxshatli avtohalokat sodir bo‘lgani va oqibatida 5 kishi halok bo‘lgani haqida xabarlar tarqaldi. Namangan viloyati IIB YHXB axborot xizmati holat yuzasidan munosabat bildirdi.

Ma’lum qilinishicha, joriy yilning 8 yanvar kuni soat 08:45larda Chust tumani “Qorakapa” MFY hududidan o‘tgan D-116 “Chust-Axcha-Pop” avtomobil yo‘lining 8-kilometrida Lacetti rusumli avtomobilni boshqarib ketayotgan haydovchi boshqaruvini yo‘qotgan va yo‘lning qarama-qarshi yo‘nalishiga o‘tib, o‘z yo‘nalishida harakatlanib kelayotgan Damas va Labo rusumli trasnport vositalari bilan to‘qnashuv sodir etgan.

Qayd etish kerakki, vafot etganlar haqida rasmiy axborot e’lon qilinmagan va hozirda holat yuzasidan surishtiruv ishlari davom ettirilayotgani bildirilgan.

NOVA24 Instagramʼda. Obuna boʻling
Asosiy yangiliklar va qiziqarli videolar