Navoiy IESdagi transformatorda yong‘in sodir bo‘ldi

Energetika vazirligining xabariga ko‘ra, ayni paytda stansiya barqaror ishlamoqda.

Navoiy IESdagi 12-sonli transformatorda yong‘in sodir bo‘ldi. Bu haqdagi xabar Navoiy viloyati FVB navbatchi dispetcherlik xizmatiga 5 yanvar soat 14:34 da kelib tushgan.

Hodisa joyiga yong‘in qutqaruv ekipajlari soat 14:37 da yetib borib, 14:49 da maydon o‘rab olinib, 15:14 da yong‘in o‘chirilgan.

Yong‘inga FVBdan 8 ta yong‘in qutqaruv ekipajlari jalb etilgan.

Yong‘in natijasida aholi yashash xonadonlari, ijtimoiy va ishlab chiqarish obektlarini elektr energiyasi bilan ta’minlashda uzilishlar sodir bo‘lmadi.

Hozirda hodisa sababi va zarari aniqlanmoqda. Jabrlangan va halok bo‘lganlar yo‘q.

Energetika vazirligining xabariga ko‘ra, ayni paytda stansiya barqaror ishlamoqda.

NOVA24 Telegramʼda. Obuna boʻling
Tezkor xabarlar va asosiy voqealar