Rossiyada o‘zbekistonlik yigit 25 yoshli qizni zo‘rlashda ayblanmoqda

Hozirda yigit maxsus hibsxonaga joylashtirilgan va unga nisbatan jinoiy ish qo‘zg‘atish masalasi ko‘rib chiqilmoqda.

Sankt-Peterburgda Rossiyada noqonuniy bo‘lib turgan o‘zbekistonlik 21 yoshli yigit 25 yoshli qizni zo‘rlashda gumonlanmoqda.

Ma’lumotlarga ko‘ra, joriy yilning 1 yanvar kuni tushdan keyin 25 yoshli qiz politsiyaga noma’lum shaxs tomonidan zo‘rlangani va uning nochor ahvolidan foydalanilgani haqida ariza bilan murojaat qilgan. Voqea Vladimirskiy prospektidagi xonadonlardan birida yuz bergan.

Shu kuni kechki payt politsiya Leningrad viloyati Lomonosovskiy tumani Novosele qishlog‘ida gumonlanuvchini qo‘lga olgan. Ma’lum bo‘lishicha, u Federatsiyada ro‘yxatdan o‘tmagan 21 yoshli O‘zbekiston fuqarosi bo‘lib chiqqan.

Bildrilishicha, yigit maxsus hibsxonaga joylashtirilgan va jinoiy ish qo‘zg‘atish masalasi ko‘rilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar