Toshkentda Lixiang yo‘l chetidagi temir to‘siqqa urildi

Yunusobod tumanida sodir bo‘lgan YTH oqibatida haydovchi jarohatlandi.

Toshkent shahrining Yunusobod tumani, Amir Temur ko‘chasida 24-dekabr kuni soat 20:10 larda YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.

Ma’lum qilinishicha, haydovchi 1974-yilda tug‘ilgan B.A. Lixiang avtomashinasini boshqarib ketayotib, rul boshqaruvini yo‘qotib, yo‘l chetidagi temir ustunga to‘qnashgan.

Hodisa oqibatida haydovchi birinchi tez tibbiy yordam ko‘rsatish maqsadida shifoxonaga olib ketilgan.

Mazkur holat yuzasidan Toshkent shahar IIBB YHXB ma’sul xodimlari tomonidan surishtiruv ishlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar