Rossiyada sumka ichidan o‘zbekistonlik ayolning murdasi topildi

Sankt-Peterburg shahrida yuk sumkasi ichidan o‘zbekistonlik ayolning jasadi topildi.

Rossiyaning Sankt-Peterburg shahri Nevskiy tumanida sumka ichidan o‘zbekistonlik ayolning jasadi topildi. Bu haqda 78.ru xabar berdi.

Ma’lum qilinishicha, jasad Olga Berggolts ko‘chasidagi 19-uyning yerto‘lasidagi sumkadan zo‘ravonlik alomatlari bilan topilgan. O‘ldirilgan shaxs 31 yoshli O‘zbekiston fuqarosi ekani aniqlangan. U noyabr oyi boshida Sankt-Peterburgga 24 yoshli tanishinikiga pul topish maqsadida kelgan.

Ta’kidlanishicha, 9-dekabr kuni kechqurun Sedov ko‘chasidagi 70-uyda joylashgan kvartirada yashayotgan yigit janjal paytida ayolni bo‘g‘ib o‘ldirgan. Shundan keyin uning jasadini katta sumkaga solgan. So‘ngra Olga Berggolts ko‘chasidagi 19-uyning podvalida tuproq bilan ko‘mib, voqea joyidan qochgan.

Tergov ma’lumotlariga ko‘ra, O‘zbekiston fuqarosi 10-dekabr kuni Rossiyadan chiqib ketgan va vataniga qaytgan. Gumonlanuvchining o‘zi 9-dekabr kuni vatandoshini o‘ldirgani haqida politsiyaga ariza bilan kelgan. Shuningdek, u jasadni yashirgan aniq manzilni ham ko‘rsatgan. Tergovchilar ekspertiza o‘tkazmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar