Quyoshda ikkita kuchli chaqnash sodir bo‘ldi

Amaliy geofizika instituti Quyoshda kuchli darajadagi ikkita portlash qayd etilganini ma’lum qildi.

20-dekabr kuni ertalab Quyoshda kuchli darajadagi ikkita portlash sodir bo‘ldi. Bu haqda TASS’ga Amaliy geofizika instituti ma’lum qildi.

Ma’lumotlarga ko‘ra, quyoshdagi dog‘lar guruhidagi rentgen diapazonida 15 daqiqalik M2.1 chaqnashi qayd etilgan. Shuningdek, 3928 (S14E68) rentgen diapazonida yetti daqiqalik M2.5 chaqnashi kuzatilgan.

Quyosh chaqnashlari rentgen nurlanishining kuchiga qarab besh sinfga bo‘linadi: A, B, C, M va X.

Minimal A0.0 klassi Yer orbitasida kvadrat metr uchun 10 nanovatt nurlanish quvvatiga to‘g‘ri keladi. Keyingi harfga o‘tishda quvvat 10 barobar ortadi. Chaqnashlar odatda quyosh plazmasining ajralishi bilan birga sodir bo‘ladi. Buning oqibatida Yerda magnit bo‘ronlari yuzaga keladi.

NOVA24 YouTubeʼda. Obuna boʻling
Asosiy yangiliklar va qiziqarli videolar