Toshkent viloyatida bir oilaning uch a’zosi is gazidan vafot etdi

Hozirda holat yuzasidan tekshiruv harakatlari olib borilmoqda.

Toshkent viloyati Bo‘stonliq tumanida er-xotin va ularning o‘g‘li is gazidan vafot etdi.

Bosh prokuratura matbuot kotibi Hayot Shamsutdinovning ma’lum qilishicha, kecha, 19-dekabr kuni fuqaro N.X. tuman ichki ishlar bo‘limiga murojaat qilib, opasi, pochchasi va ularning o‘g‘li yashash xonadonida vafot etganini bildirgan.

Dastlabki ma’lumotlarga ko‘ra, 43 yoshli erkak, 35 yoshli ayol va 8 yoshli bolaning o‘limi is gazidan zaharlanish oqibatida sodir bo‘lgan.

Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar