Namangandagi novvoyxonada giyohvandlik moddasi topildi

Davlatobod tumanidagi novvoyxonada gashish va opiy giyohvand moddalari saqlab kelingani aniqlandi.

Namanganda IIB va DXX xodimlari tomonidan o‘tkazilgan tezkor tadbir davomida Davlatobod tumanidagi novvoyxonada giyohvandlik moddasi saqlab kelinayotgani aniqlandi. Bu haqda “Daryo” xabar berdi.

Novvoyxona foydalanuvida bo‘lgan Namangan shahrida yashovchi fuqaroga tegishli uyali aloqa vositasining g‘ilofi ichida ham yelim paketchaga o‘ralgan giyohvand modda borligi maʼlum bo‘ldi.

Sudga oid kimyoviy ekspertiza tekshirish uchun taqdim etilgan moddalar gashish va opiy giyohvand moddalari ekanligi haqida xulosa berdi.

Holat yuzasidan jinoyat ishi qo‘zg‘atilib, gumonlanuvchi shaxsga nisbatan qamoqqa olish ehtiyot chorasi qo‘llangan. Hozirda tergov harakatlari olib borilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar