Toshkent viloyati Sibir tog‘ echkisi ovlangani aniqlandi

Ushbu holat yuzasidan tegishli hujjatlar rasmiylashtirilib, Bo‘stonliq tuman sudiga yuborilgan.

Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi tomonidan Bo‘stonliq tumani Pskom qishlog‘i Burchmulla davlat o‘rmon xo‘jaligida reyd tadbiri o‘tkazildi.

Qayd etilishicha, reyd davomida tuman hududida yashovchi fuqaro Y.B. inspektorlar tomonidan ko‘zdan kechirilganda, uning yonidan 1 bosh Sibir tog‘ echkisining tana qismlari topilgan.

Natijada «Hayvonot dunyosini muhofaza qilish va undan foydalanish to‘g‘risida»gi qonunga asosan hayvonot dunyosiga 11 milliondan so‘mdan ziyod zarar yetkazilgani aniqlangan.

Ushbu holat yuzasidan tegishli hujjatlar rasmiylashtirilib, Bo‘stonliq tuman sudiga yuborilgan.

Sibir tog‘ echkisi O‘zbekiston Qizil kitobiga kiritilgan bo‘lib, u asosan chiqish qiyin bo‘lgan baland tog‘larda yashaydi. Ular o‘rtacha 15-17 yil yashaydi. Yilda 1-2 marta bolalaydi. Vazni 35 dan 150 kilogrammgacha yetadi.

NOVA24 TikTokʼda. Obuna boʻling
Asosiy yangiliklar va qiziqarli videolar