19-dekabr kuni Cobalt uchun kontraktatsiya ochiladi

UzAuto Motors 19-dekabr kuni Cobalt uchun kontraktatsiya ochilishini eʼlon qildi

UzAuto Motors 19-dekabr kuni Cobalt GX-STYLE AT PLUS va Cobalt GX-MIDNIGHT AT avtomobillari kontraktatsiyaga qo‘yilishini ma’lum qildi.

Kompaniya bu kuni avvalgi kontraktatsiyada tuzilgan shartnomalar bo‘yicha to‘lovi o‘z vaqtida to‘lanmagan avtomobillarni sotadi. Avtomobillarni xarid qilish uchun shartnomalar 19-dekabr kuni soat 10:00 dan boshlab savdo.uzavtosanoat.uz onlayn platformasi va UzAvtosavdo ilovasi orqali tuzilishi mumkin bo‘ladi.

UzAuto Motors o‘z xabarida avtomobil xaridi uchun tuzilgan shartnomalar bo‘yicha to‘lov yetti kalendar kun ichida amalga oshirilishi lozimligini eslatgan.

NOVA24 TikTokʼda. Obuna boʻling
Asosiy yangiliklar va qiziqarli videolar