Namanganda 3 mlrd so‘mlik gazdan noqonuniy foydalangan tamaddixona aniqlandi

Namangan shahrida yoqilg‘i-energiya resurslaridan noqonuniy foydalanish bilan bog‘liq holatlar fosh etildi.

Bosh prokuratura xabar berishicha, Namangan shahridagi MChJ rahbari va boshqalar jamiyatga qarashli umumiy ovqatlanish shoxobchasini tabiiy gaz tarmog‘iga o‘zboshimchalik bilan ulangan.

Oqibatda 3 mlrd so‘mlik tabiiy gazni yashirin ravishda talon-toroj qilgan.

Mazkur holat bo‘yicha jamiyat rahbari B.J., jamiyat ish boshqaruvchisi S. va “Namanganshahargaz” gaz ta’minoti bo‘limi sobiq gazchisi O.P.ga nisbatan Jinoyat kodeksining 169-moddasi (o‘g‘irlik) 4-qismi “a” bandi bilan jinoyat ishi qo‘zg‘atilib, gumonlanuvchilar protsessual tartibida ushlangan.

NOVA24 YouTubeʼda. Obuna boʻling
Asosiy yangiliklar va qiziqarli videolar