Murodjon Ahmadaliyev jangidan oldin nigohlar toʻqnashuvida qatnashdi

O‘zbekistonlik bokschi Murodjon Ahmadaliyev bo‘lajak jangi oldidan face-to-face marosimida ishtirok etdi.

Ikkinchi eng yengil vazn toifasida sobiq jahon chempioni, o‘zbekistonlik Murodjon Ahmadaliyev 14 dekabr kuni Monakoda tashkil etiladigan boks oqshomi doirasida WBA Interim kamari uchun jang qiladi.

Jang oldidan Ahmadaliyev meksikalik Rikardo Espinoza bilan nigohlar jangida ishtirok etdi.

Ma’lumot uchun, 30 yoshli Ahmadaliyevning 27 yoshli raqibi Rikardo Espinoza Franko shu vaqtga qadar profboksda 34 ta jang o‘tkazib, 30 ta g‘alaba va 4 ta mag‘lubiyat qayd etgan. Janglarining 25 tasida raqiblarini nokautga uchratgan.

Ushbu jangda Ahmadaliyev g‘alaba qozonsa, vaznning mutlaq chempioni Naoya Inoue bilan jang qilishi mumkin bo‘ladi.

NOVA24 Telegramʼda. Obuna boʻling
Tezkor xabarlar va asosiy voqealar