Toshkent—Samarqand yo‘nalishida qo‘shimcha “Afrosiyob” poyezdi yo‘lga qo‘yiladi

Yo‘lovchilarga qulaylik yaratish maqsadida Toshkent—Samarqand yo‘nalishida qo‘shimcha “Afrosiyob” poyezdi yo‘lga qo‘yiladi.

Samarqand—Toshkent—Samarqand yo‘nalishida “Afrosiyob” elektropoyezdining qo‘shimcha harakati yo‘lga qo‘yiladi. Bu haqda “Temiryo‘lekspress” matbuot xizmati xabar berdi.

Ma’lum qilinishicha, ushbu yo‘nalishdagi qo‘shimcha poyezd yo‘lovchilarga qulaylik yaratish maqsadida 15—31-dekabr kunlari hamda 2025-yilning 3—12-yanvar kunlari oralig‘ida haftaning juma, shanba va yakshanba kunlari amalga oshiriladi.

Poyezd jadvali quyidagicha:

• 775-sonli Samarqand—Toshkent yo‘nalishi: Samarqanddan jo‘nash soat 10:55 da— Toshkentga yetib borish soat 13:15 da.
• 776-sonli Toshkent—Samarqand yo‘nalishi: Toshkentdan jo‘nash soat 13:56 da— Samarqandga yetib borish soat 16:14 da.

NOVA24 TikTokʼda. Obuna boʻling
Asosiy yangiliklar va qiziqarli videolar