Buxoro viloyatida 23 yoshli talaba qiz institut yotoqxonasida sirka kislotasi ichib, oʻz joniga qasd qildi.

Bosh prokuratura matbuot kotibi Hayot Shamsutdinovning maʼlum qilishicha, joriy yilning 4-dekabr kuni 23 yoshli Buxoro muhandislik institutining 4-bosqich talabasi, Navoiy viloyati Navbahor tumanida yashovchi J.K. institut yotoqxonasida sirka kislotasidan zaharlanishi oqibatida ahvoli yomonlashgan.

Talaba qiz koʻrsatilgan tibbiy muolajalarga qaramay, soat 23:35 larda shifoxonada vafot etgan.

Shamsutdinovga koʻra, hozirda mazkur hodisa yuzasidan Buxoro shahar prokuraturasi tomonidan tergovga kadar tekshiruv harakatlari olib borilmoqda.