Isroil Madrimov 2 oy ichida 2 ta jang o‘tkazadigan bo‘ldi

Rasman oʻzbekistonlik bokschi Isroil Madrimov 22-fevral kuni Verjil Ortis bilan toʻqnash keladi.

Saudiya Arabistonining Ar-Riyod shahrida 2025-yilning 22-fevral kuni Riyadh Season tomonidan oʻtkaziladigan professional boks oqshomi ishtirokchilari rasman eʼlon qilindi.

Ahamiyatlisi, turnir kardidan birinchi yarimoʻrta vazn toifasida sobiq WBA chempioni Isroil Madrimov ishtirokidagi jang ham oʻrin oldi. Oʻzbekistonlik sportchi Ar-Riyoddagi uchinchi jangida WBC Interim kamari sohibi, amerikalik Verjil Ortis bilan toʻqnash keladi. Jang 12 raundga moʻljallangan.

21-dekabrda bolishi rejalashtirilgan Usik — Fyuri Il kardi doirasida oʻzbekistonlik bokschi ukrainalik Sergey Bogachuk bilan toʻqnash kelishi kerak. litimoiy tarmoqlarda bu jang bekor qilingani haqida gaplar tarqaldi.

Matchroom Boxing kompaniyasi rahbari Eddi Xirnning maʼlum qilishicha, oʻzbekistonlik charm qoʻlqop ustasi dekabr oyidagi jangda ham ishtirok etadi.

Maʼlumot uchun, 29 yoshli Isroil Madrimov hozirga qadar 12 ta jang oʻtkazib, 10 ta gʻalaba, 1 ta magʻlubiyat va 1 ta durang qayd etgan.

26 yoshli Verjil Ortis Junior hisobida esa 22 ta gʻalaba bor. U soʻnggi jangida Madrimovning boʻlajak raqibi Bogachukni ochkolar hisobiga koʻra taslim etgandi.

NOVA24 Telegramʼda. Obuna boʻling
Tezkor xabarlar va asosiy voqealar