Janubiy Farg‘ona kanaliga Damas avtomobili tushib ketdi

Qo‘shtepa tumanidagi Janubiy Farg‘ona kanaliga tushib ketgan Damas suvdan olib chiqildi.

Farg‘ona viloyati Qo‘shtepa tumanidagi kanalga tushib ketgan Damas suvdan olib chiqildi. Bu haqda Favqulodda vaziyatlar vazirligi axborot xizmati xabar berdi.

Ma’lum qilinishicha, 26-noyabr kuni soat 20:30 da tuman FVBga Xumdon mahallasidan oqib o‘tuvchi Janubiy Farg‘ona kanaliga avtomobil tushib ketgani haqida xabar kelib tushgan.

FVV qutqaruvchilari zudlik bilan aytilgan manzilga yetib borib, maxsus texnika va qutqaruv asbob-anjomlari yordamida avtomobilni kanaldan chiqarib olgan, deyiladi vazirlik xabarida.

Qayd etilishicha, avtomobilda haydovchi bilan birga ikki nafar yo‘lovchi bo‘lgan. Ular avtomobil suvga tushgan vaqtda o‘z harakatlari bilan quruqlikka chiqib olgan.

NOVA24 YouTubeʼda. Obuna boʻling
Asosiy yangiliklar va qiziqarli videolar