Xitoyda qiyin vaziyatda qolgan 40 nafarga yaqin o‘zbekistonlik vatanga qaytarildi

Pekinda qiyin vaziyatga tushib qolgan 40 nafarga yaqin fuqaro O‘zbekistonga qaytarildi.

O‘zbekiston elchixona xodimlari va Pekin shahar huquqni muhofaza qilish organlari xodimlari o‘rtasida uchrashuv bo‘lib o‘tdi.

Unda Pekin shahar jamoat xavfsizligi departamenti vakillari, Pekin shahar tergov izolyatori ma’muriyati ishtirok etdi.

Pekin shahar jamoat xavfsizligi departamenti vakili Vu Di, Xitoy politsiyasi ishining o‘ziga xos xususiyatlari, shu jumladan, poytaxt xavfsizligini ta’minlash tizimi bilan yaqindan tanishtirdi. Uning aytishicha, jinoyatchilikni oldini olish va unga qarshi kurashish sohasida Xitoydagi xorijiy davlatlarning diplomatik vakolatxonalari bilan o‘zaro hamkorlikni mustahkamlash va mazkur yo‘nalishdagi ishlarni doimiy muvofiqlashtirishdan manfaatdor.

Tomonlar, o‘zaro samarali hamkorlik natijasida joriy yilning o‘tgan davrida Pekin shahrida murakkab hayotiy vaziyatga tushib qolgan 40 nafarga yaqin o‘zbekistonliklarga huquqiy yordam va konsullik xizmatlari ko‘rsatilib, ularni vatanga qaytarishga erishilganligini qayd etdilar.

Uchrashuv so‘nggida ikki tomonlama hamkorlikni yanada kengaytirish, huquqbuzarliklar bilan bog‘liq oldinda turgan masalalarni birgalikda hal etishga va qonuniylikni ta’minlashga kelishib olindi.

NOVA24 TikTokʼda. Obuna boʻling
Asosiy yangiliklar va qiziqarli videolar