Toshkent viloyatida 9-sinf o‘quvchisi sinfdoshlari tomonidan kaltaklandi

O‘rta Chirchiq tumanida maktab o‘quvchisi sinfdoshlari tomonidan ayovsiz kaltaklandi.

Ijtimoiy tarmoqlarda 9-sinf o‘quvchisini bir nechta bolalar kaltaklagani haqida video va fotolar tarqaldi. Bolalar ombudsmani holat yuzasidan izoh berdi.

Ma’lum qilinishicha, 19 noyabr kuni Toshkent viloyati O‘rta Chirchiq tumanidagi 50-maktabning 9-sinf o‘quvchisi A.S. (o‘g‘il bola) jismoniy tarbiya darsi mashg‘ulotida sinfdoshi A.E. bilan ziddiyat kelib chiqqan. Oqibatda bola A.E. va boshqa o‘quvchilar tomonidan kaltaklangan.

Natijada bola tanasining turli joylariga jarohat yetgan, burun qismi shikastlangan.

Hozirda holat yuzasidan tergovga qadar tekshiruv harakatlari olib borilmoqda.

A.S.ga nisbatan sudga oid tibbiy ekspertiza tayinlandi.

NOVA24 YouTubeʼda. Obuna boʻling
Asosiy yangiliklar va qiziqarli videolar