Dubayda dunyodagi eng katta oltin yombi namoyish etildi

Dubaydagi kompaniya og‘irligi 300 kg dan oshadigan dunyodagi eng katta oltin yombini tayyorladi.

Dubaydagi Emirates Minting Factory kompaniyasi og‘irligi 300 kilogrammdan oshadigan dunyodagi eng katta oltin yombini tayyorladi. Bu haqda amirlik hukumatining matbuot xizmati xabar berdi.

Qayd etilishicha, shu orqali kompaniya Ginnessning rekordlar kitobiga kiritilgan.

Emirates Minting Factory og‘irligi 300 kilogrammdan ortiq bo‘lgan eng katta oltin yombini ishlab chiqarib, Dubay uchun yangi jahon rekordini o‘rnatdi. Ushbu yutuq munosabati bilan Dubaydagi qimmatbaho metallar bo‘yicha konferensiyaning yopilish marosimida Ginnessning rekordlar kitobi sertifikati topshirildi, deyiladi xabarda.

Emirates Minting Factory Dubaydagi (BAA) Al-Quz sanoat zonasida joylashgan zavodga egalik qiladi. Korxona qimmatbaho metallarni tozalash bilan shug‘ullanadi va har kuni 1000 kilogrammdan 1200 kilogrammgacha oltin va kumushni qayta ishlash hamda eritish quvvatiga ega.

NOVA24 Instagramʼda. Obuna boʻling
Asosiy yangiliklar va qiziqarli videolar