Kecha, 20-noyabr kuni tunda Toshkent shahridagi ovqatlanish shoxobchasida yongʻin sodir boʻldi. Bu haqda poytaxt FVB axborot xizmati xabar berdi.

Qayd etilishicha, soat 20:29 da Toshkent shahar Mirzo Ulugʻbek tumani “Lashkarboshi” MFY Niyozbek yoʻli koʻchasida joylashgan umumiy ovqatlanish joyining dudburonida yongʻin sodir boʻlayotgani toʻgʻrisida Toshkent shahar FVBga xabar kelib tushgan.

Shunga koʻra, yongʻin-qutqaruv ekipajlari soat 20:35 da voqea joyiga yetib borib, yongʻin soat 20:42 da oʻchirilgan.

Hozirda yongʻinning kelib-chqish sababi va zarar miqdori aniqlanmoqda. Hodisa oqibatida tan jarohati olgan va halok boʻlganlar yoʻq, deyiladi boshqarma xabarida.