Andijonda erkak 2,8 ming dollar aliment pulini oldindan toʻladi

Oldindan toʻlangan aliment sabab undiruvchining arizasiga muvofiq ijro ishi tamomlandi.

Andijon viloyati Buloqboshi tumanida aliment uchun 2 800 AQSH dollari berildi, deb xabar bermoqda Majburiy ijro byurosi Andijon viloyat boshqarmasi.

Qayd etilishicha, fuqarolik ishlari boʻyicha Xoʻjaobod tumanlararo sudining 2009-yil 29-iyuldagi ijro hujjatiga asosan qarzdor A.A.dan undiruvchi M.T.foydasiga bir nafar farzandining moddiy taʼminoti uchun har oy topgan daromadining 1/4 qismi miqdorida aliment undirish koʻrsatilgan.

Olib borilgan tushuntirish ishlari natijasida ijro ishi boʻyicha qarzdor A.A. tomonidan belgilangan aliment pullari ixtiyoriy ravishda oyma-oy toʻliq toʻlab kelingan.

Qarzdor A.A. farzandi kelgusi yilda voyaga yetishini maʼlum qilib, aliment pullarini oldindan toʻlash niyatini bildirgan.

Ijro harakatlari davomida qarzdor A.A. aliment uchun oldindan toʻlov sifatida olib kelgan 2 800 dollar undiruvchi M.T.ga topshirilgan.

Oldindan toʻlangan aliment sabab undiruvchining arizasiga muvofiq ijro ishi tamomlandi, deyiladi MIB xabarida.

NOVA24 YouTubeʼda. Obuna boʻling
Asosiy yangiliklar va qiziqarli videolar