Toshkentda 3 ta mashina ishtirokida YTH sodir boʻldi

Hodisa oqibatida jabrlangan ikki kishiga tibbiy yordam koʻrsatilgan.

Toshkent teleminorasi qarshisida 3 ta mashina ishtirokida yoʻl-transport hodisasi sodir boʻldi. Bu haqda poytaxt IIBB YHXB axborot xizmati xabar berdi.

Qayd etilishicha, hodisa kecha, 17-noyabr kuni soat 21:30 da Yunusobod tumani Amir Temur koʻchasi Toshkent teleminorasi qarshisida yuz bergan.

Unda N.S. boshqaruvidagi “Toyota” rusumli, O.Sh. boshqaruvidagi “Malibu-2” hamda A.I. boshqaruvidagi “Cobalt” rusumli transport vositalari oʻzaro toʻqnashib ketgan.

YTH oqibatida “Malibu” transport vositasining yoʻlovchisi va haydovchisiga birinchi tibbiy yordam koʻrsatilgan.

Hozirgi kunda mazkur holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar