Toshkentdagi ko‘chalardan yana biri vaqtincha yopiladi

Toshkent shahrida Maxtumquli ko‘chasining KHAY ko‘prigi ostidan o‘tuvchi qismining bir yo‘nalishi tunda yopiladi.

Toshkent shahri Yashnobod tumani Maxtumquli ko‘chasining Kichik halqa avtomobil yo‘li ko‘prigi ostidan o‘tuvchi Toshkent tibbiyot akademiyasidan Ashxobod bog‘i tomon yo‘nalishidagi qismi 16-noyabr soat 22:00 dan 17-noyabr soat 08:00 gacha yopiladi. Bu haqda poytaxt matbuot xizmati xabar qildi.

Hokimlik u yerda quvur almashtirish ishlari olib borilishini ma’lum qilgan.

Mazkur vaqt davomida yo‘l harakati ishtirokchilariga muqobil yo‘llardan foydalanishlarini tavsiya etamiz. Yuzaga kelishi mumkin bo‘lgan noqulayliklar uchun uzr so‘raymiz, deyiladi hokimlik xabarida.

NOVA24 Instagramʼda. Obuna boʻling
Asosiy yangiliklar va qiziqarli videolar