O‘zbekistonda dam olish kunlari qanday ob-havo bo‘lishi maʼlum qilindi

“O‘zgidromet”ga ko‘ra, kechasi va ertalab ba’zi joylarga tuman tushishi mumkin.

Dam olish kunlari O‘zbekiston hududi bo‘yicha nisbatan salqin ob-havo bo‘lishi kutilmoqda, deb xabar berdi “O‘zgidromet”.

Kunduz kunlari havo harorati 8-13 daraja iliq, ba’zi joylarda 15 darajagacha iliq, kechalari 0-5 daraja iliq atrofida bo‘ladi.

Ushbu kunlarda respublika hududi bo‘yicha yog‘ingarchilik kutilmaydi, faqat Qoraqalpog‘iston Respublikasida ayrim joylarda bugun kunduzi biroz yomg‘ir yog‘ishi, shimolda biroz yog‘ingarchilik (yomg‘ir, qor) bo‘lishi mumkin.

Kechasi va ertalab ba’zi joylarga tuman tushishi mumkin. Shamol sharqdan 7-12 metr/sekund tezlikda esadi.

Toshkentda dam olish kunlari yog‘ingarchilik kutilmaydi. Harorat asosan kechalari 0-3 daraja iliq, kunduz kunlari 10-13 daraja iliq bo‘ladi.

NOVA24 Instagramʼda. Obuna boʻling
Asosiy yangiliklar va qiziqarli videolar