Qashqadaryoda Cobalt’ni ulkan tosh bosib qoldi

Hodisa tufayli “Taxtaqoracha” dovoni avtomobillar harakati uchun vaqtincha yopildi.

Qashqadaryo va Samarqand viloyatlarini bogʻlovchi “Taxtaqoracha” dovonida koʻchki yuz berib, Cobalt’ni ulkan harsang tosh bosib qoldi. Yoʻl harakati xavfsizligi xizmati shu boisdan dovonda avtomobillar harakati vaqtincha toʻxtatilganini maʼlum qildi.

Bildirilishicha, hodisa bugun, 6-noyabr kuni M-39 avtomobil yoʻlining Kitob tumanidan oʻtgan 1138-kilometrida sodir boʻlgan.

Dovonining qayta ochilishi boʻyicha qoʻshimcha maʼlumot beriladi, deyiladi YHXX xabarida.

Turli manbalar mazkur baxtsiz hodisa oqibatida 3 kishi halok boʻlgani haqida yozmoqda. Rasmiylar voqea haqida hozircha batafsil maʼlumot bermadi.

NOVA24 Instagramʼda. Obuna boʻling
Asosiy yangiliklar va qiziqarli videolar