Toshkentdagi KHAY ko‘chasining bir qismi bir oyga yopildi

Poytaxtdagi Kichik halqa avtomobil yo‘lining bir qismi barcha harakat ishtirokchilari uchun bir oyga yopildi.

Toshkent shahri Yashnobod tumanida Kichik halqa avtomobil yo‘lining bir qismi barcha harakat ishtirokchilari uchun yopiladi. Bu haqda shahar hokimligi matbuot xizmati xabar bermoqda.

Qayd etilishicha, tumanda yo‘l qurilish-ta’mirlash ishlari olib borilmoqda. Shu sababli KHAYning Maxtumquli ko‘chasi bilan kesishmasidagi yondosh yo‘l qismi 5-noyabrdan 5-dekabrgacha xizmat ko‘rsatmaydi.

Hokimlik noqulaylik uchun uzr so‘radi va muqobil yo‘llardan foydalanishni tavsiya qildi.

NOVA24 Instagramʼda. Obuna boʻling
Asosiy yangiliklar va qiziqarli videolar