Shoir Mansur Jumayev 33 yoshda vafot etdi

Marhumning yaqinlaridan biri o‘limga nafas yetishmovchiligi sabab bo‘lganini aytgan.

Bugun, 5-noyabr kuni isteʻdodli va taniqli yosh shoir Mansur Jumayev olamdan oʻtdi. Bu haqda Yozuvchilar uyushmasi xabar berib, shoirning yaqinlariga taʻziya bildirgan.

Marhumning yaqinlaridan biri oʻlimga nafas yetishmovchiligi sabab boʻlganini aytgan.

Mansur Jumayev 1991-yili Qashqadaryo viloyati, Mirishkor tumanida tugʻilgan. Oʻzbekiston davlat jahon tillari universitetining Xalqaro jurnalistika fakultetini tamomlagan.

Shoirning “Oq orzularim”, “Hayrat qoʻshiqlari”, “Hazrati ishq” nomli sheʻriy toʻplamlari nashr etilgan. Shu kunlarda chop etilgan “Izlam” turkumida ham “Biz kutgan fasl” nomli sheʻriy toʻplami chiqqandi.

Tahririyat marhumning oila aʻzolari va yaqinlariga taʻziya bildiradi.

NOVA24 Instagramʼda. Obuna boʻling
Asosiy yangiliklar va qiziqarli videolar