Shahram G‘iyosov navbatdagi jangini O‘zbekistonda o‘tkazishi mumkin

O‘zbekistonlik professional bokschi Shahram G‘iyosovning chempionlik jangi O‘zbekistonda bo‘lib o‘tishi mumkin.

Butunjahon boks assosiasiyasi (WBA) o‘zbekistonlik bokschi Shahram G‘iyosov ishtirokidagi chempionlik jangiga promouterlik savdosini e’lon qilgan edi.

Ushbu jang O‘zbekistonda bo‘lib o‘tishi mumkin. Bu haqida O‘zbekiston professional boks federatsiyasi xabar qilmoqda.

“Ayni paytda WBA chempionlik kamari uchun kechadigan ushbu jangni yurtimizda o‘tkazish uchun promouterlar muzokaralarni boshlagan”, — deyiladi xabarda.

Ma’lumot uchun, G‘iyosov so‘nggi jangida meksikalik Migel Parra (22-4-1)ni mag‘lubiyatga uchratgan edi. To‘liq 10 raund davom etgan jangda hakamlarning ikki nafari o‘zbekistonlik bokschi g‘alabasini, bir nafari Parraning g‘alaba qozonganini qayd etgandi.

NOVA24 Instagramʼda. Obuna boʻling
Asosiy yangiliklar va qiziqarli videolar