Samarqandda yo‘lovchi avtobusi traktor tirkamasiga borib urildi

Hodisa oqibatida avtobusning bir nafar yo‘lovchisi tan jarohati olib, shifoxonaga yotqizilgan.

Samarqand viloyatida Yutong avtobusi traktor tirkamasi bilan to‘qnashdi. Bu haqda viloyat YHXB axborot xizmati xabar qildi.

Hodisa 2024-yil 30-oktabr kuni soat 21:00 larda, Narpay tumani “Didan” MFY hududidan o‘tuvchi M-37 Samarqand-Buxoro-Turkmanboshi avtomobil yo‘lining 115-kilometrida sodir bo‘lgan.

Unda Yutong Bus ZKB 122 rusumli avtobus haydovchisi Samarqand-Buxoro yo‘nalishida boshqarib kelib, yo‘lning belgilangan qismidan qayrilib olayotgan, o‘zi bilan bir yo‘nalishda harakatlanib ketayotgan TTZ 80.1 rusumli traktorining tirkamasiga kelib urilgan. Oqibatda avtobus yo‘lovchisi shifoxonaga yotqizilgan.

Holat yuzasidan Narpay tumani IIB YHXB tomonidan dastlabki surishtiruv ishlari boshlangan.

NOVA24 YouTubeʼda. Obuna boʻling
Asosiy yangiliklar va qiziqarli videolar