Isroil Erondagi harbiy obyektlarga havo hujumlarini uyushtirdi

Qurbonlar yo‘qligi, poytaxtda bir muddat internet uzilib qolgani qayd etildi.

Isroil mudofaa armiyasi (SAXAL) 26-oktyabrga o‘tar kechasi Erondagi raketa ishlab chiqaruvchi korxonalar va uning yer-havo raketalari joylashgan joylariga havo hujumlarini amalga oshirdi.

Armiya matbuot xizmati “aniq zarbalar” so‘nggi oylarda Eronning Isroilga hujumlariga javoban berilgani haqida ma’lumot qoldirdi. Zarbalar 3,5 soat davom etdi.

Biz Erondagi harbiy obyektlarga maqsadli va aniq zarbalar berdik va Isroil davlatiga to‘g‘ridan-to‘g‘ri tahdidlarning oldini oldik. SAXAL missiyasini yakunlandi. Agar Erondagi rejim xatoga yo‘l qo‘yib, yangi eskalatsiyani boshlasa, biz javob berishga majbur bo‘lamiz, deyiladi xabarda.

Isroil mudofaa armiyasi havo kuchlari Eronga tungi hujum paytida 100 dan ortiq samolyotni ishga tushirgani, 20 ga yaqin nishonlar zarar ko‘rgani haqida xabar berildi, ammo Tehron bu ma’lumotni rad etdi.

Eron qurolli kuchlari Ilam, Tehron va Xuziston provinsiyalaridagi ba’zi harbiy obyektlariga hujum uyushtirganini ma’lum qildi. Zarar ko‘lami aniqlanmoqda. Tehron mutanosib javob berishga tayyor, deya xabar berdi Tasnim agentligi manbasiga tayanib. Mahalliy OAV zarbalar vaqtida portlash ovozlari eshitilgani haqida xabarlar berdi.

Hujumlar paytida Tehrondagi havo hududi yopildi. Qurbonlar yo‘qligi, poytaxtda bir muddat internet uzilib qolgani qayd etildi.

NOVA24 YouTubeʼda. Obuna boʻling
Asosiy yangiliklar va qiziqarli videolar