Mirziyoyev Tataristonning “Do‘stlik” ordeni bilan taqdirlandi

O‘zbekiston prezidenti Tatariston davlat mukofoti — “Do‘stlik” ordeni bilan taqdirlandi.

Qozon shahriga tashrifi doirasida Shavkat Mirziyoyev Tatariston davlat mukofoti — “Do‘stlik” ordeni bilan taqdirlandi.

Prezident matbuot xizmatining xabar qiliishicha, mukofotni davlat rahbariga Tatariston raisi Rustam Minnixanov tantanali ravishda topshirgan.

Shavkat Mirziyoyev ushbu orden bilan O‘zbekiston va Tatariston o‘rtasidagi hamkorlikni rivojlantirish, xalqlar o‘rtasida do‘stlik va o‘zaro anglashuvni mustahkamlashga qo‘shgan ulkan hissasi uchun mukofotlandi.

O‘zbekiston yetakchisi Tatariston rahbariga mukofot uchun minnatdorlik bildirib, so‘nggi yillarda o‘zaro hamkorlikda yuqori natijalarga erishilganini qayd etdi hamda Tatariston xalqiga ezgu tilaklarini bildirdi.

NOVA24 Instagramʼda. Obuna boʻling
Asosiy yangiliklar va qiziqarli videolar