Toshkent viloyatida sifatsiz benzin sotyotgan “zapravka”lar aniqlandi
Mazkur holatlar yuzasidan qoidabuzarlikka yoʻl qoʻygan AYQShlar kamchiliklar bartaraf etilgunga qadar birja savdolarida ishtirok etishi vaqtincha toʻxtatilgan.
Toshkent viloyatida sifatsiz neft mahsulotlari sotuvga chiqarilishining oldi olindi. Bu haqda “Oʻzenergoinspeksiya” axborot xizmati xabar berdi.
Qayd etilishicha, Toshkent viloyatida “Oʻzenergoinspeksiya” tomonidan neft mahsulotlarini yetkazib berish va ularni sotuvga chiqarilishi yuzasidan nazorat tadbirlari oʻtkazilgan. Unda bir qator AYQShlarda qoidabuzarlik holatlari aniqlangan.
Xususan, Nurafshon shahrida joylashgan “S.M.O.” MChJga qarashli avtomobillarga yoqilgʻi quyish shoxobchasida sotilayotgan avtobenzindan namuna olinib, laboratoriya tahlillaridan oʻtkazilganda AI-92-rusumli avtobenzin davlat standart talablariga mos kelmasligi (sifatsiz) maʼlum boʻlgan.
Shu kabi holatlar Angren shahrida joylashgan “U.” MChJ va Parkent tumanida joylashgan “S.G.O.A.” MChJga qarashli AYQShlarda ham aniqlangan.
Mazkur holatlar yuzasidan qoidabuzarlikka yoʻl qoʻygan ushbu AYOQShlarda kamchiliklar bartaraf etilgunga qadar birja savdolarida ishtirok etishi vaqtincha toʻxtatilgan.
Мавзуга оид хабарлар:
Toshkent viloyatida “prava” olib berishni vaʼda qilganlar ushlandi Surxondaryoda benzinni kamaytirib sotgan “zapravka” aniqlandi Toshkent viloyatida zilzila sodir bo‘ldi Bahaybat it tashlangan bolaning ahvoli haqida ma’lumot berildi Toshkent viloyatida noqonuniy mayning ferma aniqlandi