Argentinada soliq xizmati tugatildi
Argentinada soliq xizmati – Davlat daromadlari boʻyicha federal idora (AFIP) tugatildi.
Argentina hukumati mamlakatda soliq xizmati – Davlat daromadlari boʻyicha federal idora (AFIP) tugatilib, uning oʻrniga “soddalashtirilgan” Daromadlar va bojxona agentligi tashkil etilishini eʻlon qildi.
Yangi agentlik soliq yigʻish va bojxona monitoringi sohasidagi funksiyalarnigina saqlab qoladi. Shtat birliklari soni uchdan bir qismga kamaytiriladi.
Argentina prezidenti maʻmuriyatiga koʻra, AFIPʻni tugatish “argentinaliklarning iqtisodiy va tijoriy erkinligiga toʻsiq boʻlib kelayotgan keraksiz byurokratiyani yoʻq qilish uchun” kerak.
Prezident matbuot kotibi Manuel Adornining izohlashicha, AFIP uzoq yillar davomida siyosiy tashkilot sifatida faoliyat yuritgan va koʻplab argentinaliklarni “axloqsiz ravishda taʻqib qilish” bilan shugʻullangan.
Har bir argentinalikka tegishli boʻlgan narsa faqat uniki, boshqa hech kimga tegishli emas. Hech bir idoraga argentinalikka oʻz mulki bilan nima qilish kerakligini aytish huquqi berilmasligi kerak, degan Adorni.
3000 dan ortiq AFIP xodimlari avvalgi hukumat tomonidan “noqonuniy yollangani” uchun ishdan boʻshatiladi. Bu esa yiliga 6,4 milliard peso (taxminan 6,5 mln dollar)ni tejash imkonini beradi.
Мавзуга оид хабарлар:
O‘zbekistonda 8 oyda qancha soliq imtiyozlaridan foydalanildi? O‘zbekistonda taksi haydovchisi sifatida ro‘yxatdan o‘tganlar soni yarim milliondan oshdi Sirdaryoda tadbirkordan 4 ming dollar olgan soliq xodimiga sud hukmi o‘qildi O‘zbekistonda yil yakunigacha 10 trln so‘mlik asossiz xarajatlar maqbullashtiriladi Soliq toʻlovchilar uchun sunʼiy intellektga asoslangan virtual yordamchi ishga tushirildi