TIV rahbariga yangi o‘rinbosar tayinlandi

Prezident qarori bilan, Olimjon Abdullayev tashqi ishlar vaziriga o‘rinbosar etib tayinlandi.

Prezident qaroriga muvofiq, Olimjon Abdullayev tashqi ishlar vazirining o‘rinbosari bo‘ldi, deb xabar bermoqda TIV matbuot xizmati.

Abdullayev ko‘p yillar davomida vazirlik tizimida ishlagan. Hozirgi lavozimga tayinlangunga qadar O‘zbekistonning Frankfurt-Mayn shahridagi (Germaniya) bosh konsuli lavozimida ishlagan (2021−2024-yillar).

Iyul oyida “O‘zto‘qimachiliksanoat” sobiq raisi Ilxom Xaydarov ham tashqi ishlar vaziri o‘rinbosari etib tayinlangandi. U boshqa ishga o‘tishi sabab lavozimini tark etgan Rahmatilla Nurimbetov o‘rnini egallagan.

NOVA24 Telegramʼda. Obuna boʻling
Tezkor xabarlar va asosiy voqealar