Toshkent viloyatida 22 bosh qo‘yni urib yuborgan Spark yonib ketdi
Ohangaron tumanida Spark qoʻy podasini urib yuborib, oʻzi yonib ketdi.
Toshkent viloyati Ohangaron tumanida qoʻylarni urib yuborgan Sparkda yongʻin kelib chiqqan. Bu haqda viloyat IIB YHXB axborot xizmati xabar bermoqda.
Maʻlum qilinishicha, hodisa bugun, 19-oktyabr kuni soat taxminan 05:00 larda sodir boʻlgan.
Toshkent viloyati Ohangaron tumani hududidan oʻtgan D 017 “Olmaliq-Toshkent” avtomobil yoʻlining 17-kilometrida haydovchi, 26 yoshli D.Sh. Spark mashinasida ketayotib, yoʻlning qatnov qismida boʻlgan 22 bosh qoʻyni urib yuborgan.
Haydovchi mashinani toʻxtatib, undan tushganidan soʻng Spark salonida yongʻin kelib chiqqan. Oqibatda mashina toʻliq yonib ketgan. Shuningdek, 22 bosh qoʻy nobud boʻlgan. Haydovchi jarohat olmagan.
Qayd etilishicha, holat yuzasidan Zangiota tumani IIB YHXB tomonidan surishtiruv ishlari olib borilmoqda.
Мавзуга оид хабарлар:
Toshkentda soxta savdogar fuqaroni 22 mln so‘mga chuv tushirdi Toshkentga olib kelinayotgan 1,5 tonna sifatsiz go‘sht to‘xtatib qolindi Toshkentdagi YTHda uch kishi jarohatlandi Agrar universiteti yotoqxonasining qurilishi sifatsiz ishlar tufayli to‘xtatildi Toshkentda 5,2 mlrd so‘mlik giyohvandlik vositalari fosh etildi