Futbol uchrashuvi sabab “Bunyodkor” stadioni yaqinidagi koʻchalar vaqtincha yopildi

Futbol uchrashuvi sabab “Bunyodkor” stadioni yaqinidagi koʻchalarda harakat cheklanadi.

15-oktyabr kuni O‘zbekiston va Birlashgan Arab Amirliklari o‘rtasida futbol bo‘yicha musobaqa o‘tkazilishi munosabati bilan Chilonzor tumanidagi ba’zi ko‘chalarda transport harakati cheklanadi, deya xabar bermoqda poytaxt YHXB.

Ko‘cha va chorrahalar:

• Muqimiy va Chilonzor ko‘chalari chorrahasidan, Chilonzor va KXAY ko‘chalari chorrahasigacha bo‘lgan qismi;
• Muqimiy va Arnasoy ko‘chalari chorrahasidan, Cho‘ponota va Arnasoy ko‘chalari chorrahasigacha bo‘lgan qismi;
• Bunyodkor ikkinchi darajali ko‘chasidan Cho‘ponota ko‘chasigacha bo‘lgan qismi.
  Cheklov 16:00 dan soat 22:00 gacha davom etadi.

Yuzaga kelayotgan noqulayliklar uchun uzr so‘raymiz va aylanma yo‘llardan foydalanishni tavsiya qilamiz, deyiladi YHXB xabarida.

NOVA24 Telegramʼda. Obuna boʻling
Tezkor xabarlar va asosiy voqealar