O‘zbekiston – BAA o‘yini chiptalari bir necha soatga yetmay sotib bo‘lindi

O‘zbekiston – Birlashgan Arab Amirliklari milliy jamoalari o‘rtasidagi uchrashuvga chiqarilgan barcha chiptalar sotib bo‘lindi.

10 oktyabr kuni bo‘lib o‘tgan O‘zbekiston – Eron (0:0) uchrashuvidan keyin kecha, 11 oktyabr kuni sotuvga chiqarilgan O‘zbekiston – BAA uchrashuvi chiptalari bir necha soat ichida sotib bo‘lingan.

O‘FA matbuot xizmati O‘zbekiston – BAA uchrashuvi chiptalari sotuvi iticket sayti orqali amalga oshirilayotgani haqida soat 19:34da ma’lumot bergach, 40 mingdan 500 ming so‘mgacha narxlangan chiptalar ko‘p o‘tmay sotib bo‘lingan.

Har holda, iticket saytida o‘yin uchun chiqarilgan chiptalar tugagani haqida ma’lum qilingan. 34 ming sig‘imli o‘yingohdagi chiptalarning qanchasi sotilgani ochiqlanmagan.

NOVA24 YouTubeʼda. Obuna boʻling
Asosiy yangiliklar va qiziqarli videolar