Buxoroda tok urishi oqibatida ikki ishchi halok bo‘ldi

“Qorako‘l” podstansiyasida ikki ishchi tok urishidan halok bo‘ldi.

Joriy yilning 2-oktyabr kuni “Qorako‘l” podstansiyasida 2 nafar mutaxassis texnik nosozlik natijasida vafot etgan. Bu haqda “O‘zbekiston milliy elektr tarmoqlari” aksiyadorlik jamiyati matbuot xizmati ma’lum qildi.

Aytilishicha, jamiyatning “Buxoro magistral elektr tarmoqlari” filialiga qarashli 500 kV kuchlanishli “Qorako‘l” podstansiyasida 2 nafar mutaxassis o‘limiga sababchi bo‘lgan baxtsiz hodisa sodir bo‘lgan.
Sodir bo‘lgan baxtsiz hodisa to‘g‘risida shu kunning o‘zida tegishli organlarga xabar berilgan. Ayni paytda hodisa sabablari o‘rganilmoqda.

Qo‘shimcha qilinishicha, marhumlarning oilalariga barcha kompensatsiya to‘lovlari amalga oshirilishi ta’minlanadi.

NOVA24 Telegramʼda. Obuna boʻling
Tezkor xabarlar va asosiy voqealar